2. Fair Helen of Kirkconnel
Words traditional, Music by E. Smith, MCPS.

I wish I was whaur Helen lies
For nicht and day on me she cries
For nicht and day on me she cries
I wish I was whaur Helen lies
On fair Kirkconnel Lea

Oh Helen fair, oh Helen chaste
Were I with thee I would be blessed
Were I with thee I would be blessed
Where though liest low and at thy rest
On fair Kirkconnel Lea

Oh Helen Fair beyond compare
I’ll mak a garland o’ thy hair
I’ll mak a garland o’ thy hair
Wrapped roon’ ma hairt forever mair
On fair Kirkconnel Lea

But curse the heart that hatched the thoucht
And curse the hand that fired the shot
Aye curse the hand that fired the shot
When in my arms my Helen dropped
And died for sake o’ me

But think na ye ma hairt was sair
My love droppit doon an’ spak nae mair
I laid her doon wi’ muckle care
Oh think na ye ma hairt was sair
On fair Kirkconnel Lea

For I found ma foe behin’ a wa’
I lichtit doon my sword tae draw
Stern was oor strife on Kirtleshaw
As I hacked him intae pieces sma’
Wha’d taen ma love frae me

I wish I was whaur Helen lies
For nicht and day on me she cries
Oh I wish I was whaur Helen lies
On fair Kirkconnel Lea