6. Rigs O’ Barley
Words Robert Burns, Music J. McClennan

It was upon a Lammas night when corn rigs are bonnie oh
Beneath the moon’s unclouded light I held awa tae Annie oh
The time flew by wi’ tentless heid ‘til ‘tween the late and early oh
Wi’ sma’ persuasion she agreed tae see me through the barley oh

The sky was blue, the wind was still and the moon was shinin’ clearly oh
I set her doon wi’ right good will amang the rigs o’ barley oh
I kent her heart wis a’ my ain an’ I loved her most sincerely oh
I kissed her o’er an’ o’er again amang the rigs o’ barley oh

Corn rigs an’ barley rigs corn rigs are bonnie
I’ll ne’er forget that happy night amang the rigs wi’ Annie oh
Corn rigs an’ barley rigs corn rigs are bonnie
I’ll ne’er forget that happy night amang the rigs wi’ Annie oh

I locked her in my fond embrace and her heart was beatin’ rarely oh
Ma blessin’s on that happy place amang the rigs o’ barley oh
But by the moon and stars so bright that shone that hour so clearly oh
She aye shall bless that happy night amang the rigs o’ barley oh

Corn rigs an’ barley rigs, corn rigs are bonnie
I’ll ne’er forget that happy night amang the rigs wi’ Annie oh
Corn rigs an’ barley rigs corn rigs are bonnie
I’ll ne’er forget that happy night amang the rigs wi’ Annie oh

I hae been blythe wi’ comrades dear and I hae been merry drinkin’ oh
I hae been joyful gatherin’ fear and I hae been merry thinkin’ oh
But a’ the pleasures e’er I saw though three times doubled fairly oh
That happy night was worth them a’ amang the rigs o’ barley oh

Corn rigs an’ barley rigs corn rigs are bonnie
I’ll ne’er forget that happy night amang the rigs wi’ Annie oh
Corn rigs an’ barley rigs corn rigs are bonnie
I’ll ne’er forget that happy night amang the rigs wi’ Annie oh