7. Time Wears Awa
Traditional, Arranged E. Smith MCPS

Oh but the ‘oors rin fast awa’, like the Kelvin tae the Clyde
Sin’ on its bonnie gowan banks I wooed ye for ma bride
My ain dear lass, sae fresh an’ fair, sae artless and sae young
When love wis a’ the grief we kent, and ye my only care

Time wears awa, time wears awa and winna let us be
It stole the wild rose frae yer cheek and the blythe blink frae yer ee’

When woods were green an’ flooers fair, and ye were a’ my ain
I little reckoned what years would bring o’ poorteth, toil and pain
Some wayfull ‘oors hae flapped their wings, dark shadows are oor lot
Sin’ like twa cuchets o’er a glen, we strayed in this dear spot

Time wears awa, time wears awa and winna let us be
It stole the wild rose frae yer cheek and the blythe blink frae yer ee’

The memories o’ oor happy days steal on oor dreams by nicht
As cherished reveries rise and glow wi’ their depairted licht
But still the birds and burnies sing their wildered melodies
As in the gowden dawn o’ youth when we were young and free

Time wears awa, time wears awa and winna let us be
It stole the wild rose frae yer cheek and the blythe blink frae yer ee’