10. Far o’er the Forth
Trad. Arr. E. Smith MCPS/PRS

Far over the forth I look to the north
But what is the north with its highlands tae me?
Not the east, nor the west, bring ease tae my breast
It’s a far foreign land o’er the dark rolling sea

A’ the lang summer days amangst the heather and bracken
Brought joy and delight tae my bonny blue ee
Tis little did I think that the wild western ocean
Would be rolling this day ‘tween my laddie and me

His faither he frowned on the love of his boyhood
And oh his proud mother looked cauld upon me
But he aye followed me, tae ma hame in the sheelin
And the hills o’ Breadalbane rang wild wi oor glee

We trysted oor love by the cairn on the mountain
The deer and the roe stood bride’s maidens tae me
And my love’s trysting glass was the pure crystal fountain
Oh what then was the world tae my laddie and me

So I’ll look to the west as I go tae my rest
That happy my dreams and my slumbers may be
For far in the west is the lad I loo best
He is seeking a hame for ma bairnie and me