10. The Lowlands of Holland
Words: Trad. © Music: E. Smith MCPS/PRS

The love that I had chosen was to my heart’s content
The saut sea shall be frozen before that I repent
Repent me will I never until the day I dee
Though the lowlands o’ Holland hae twined my love and me

My love lies in the saut sea and I am on the side
Enough to break a young thing’s hairt wha lately was a bride
Wha lately was a bonnie bride, wi pleasure in her e’e
But the lowlands o’ Holland hae twined my love and me

My love he built a bonnie ship and sent her tae the sea
Wi seven score brave mariners tae bear her company
Three score gaed tae the bottom and three score died at sea
An’ the lowlands o’ Holland hae twined my love and me

My love he built another ship and sent her tae the main
He had but twenty mariners in a’ tae bring her hame
But the weary wind began tae rise the ship began tae rout
My love then and his bonnie ship turned widdershins about

There shall nae coif cam on my head, nor comb gan through ma hair
It’s neither coal nor candle licht shine in ma bower mair
Nor shall I hae anither love until the day I dee
For I ne’er loved a lad but ane and he’s drowned in the sea

Oh haud yer tongue dear dochter be still and be content
There are mair lads in Gallowa ye needna sair lament
Oh there is nane in Gallowa, there’s nane at a’ for me
For I ne’er loved a lad but ane and he’s drowned in the sea